2019-11-05 10:34

Səhiyyə Nazirliyi Bakıda iki avtobusun toqquşması nəticəsində yaralananlarla bağlı məlumat yayıb

Səhiyyə Nazirliyi Bakıda iki avtobusun toqquşması nəticəsində yaralananlarla bağlı məlumat yayıb.

Nazirliyin mətbuat xidmətindən Pressa-ya verilən xəbərə görə, Nizami rayonu, 8- ci kilometr bazarının yanında, iki marşrut avtobusunun toqquşması barədə məlumat təcili tibbi yardıma saat 22:20-də daxil olub. Hadisə yerinə 5 briqada yollanıb. Ümumilikdə 8 nəfər hospitalizə olunub. Onlardan 4-ü kişi, 4-ü qadındır. 1 qadın burun sümüyünün sınığı diaqnozu ilə Kliniki Tibbi Mərkəzə, digər 7 nəfər 3 saylı şəhər xəstəxanasına çatdırılıblar.

3 saylı şəhər xəstəxanasının baş həkiminin verdiyi məlumata görə, qəza ilə əlaqədar xəstəxanaya çatdırılanlara lazımı tibbi yardım göstərildikdən sonra onlar ambulator müalicəyə buraxılıblar. Kliniki Tibbi Mərkəzə çatdırılan 21 yaşlı qız da göstərilən tibbi yardımdan sonra ambulator müalicəyə buraxılıb.

Qeyd edək ki, dünən axşam Nizami rayonunun Qara Qarayev prospektində 57 saylı xətt marşrutu üzrə hərəkət edən "Isuzu" markalı sərnişin avtobusu ilə "BakuBus" MMC-yə məxsus 7A saylı xətt marşrutu üzrə hərəkət edən avtobus toqquşub. İlkin məlumata görə, yol qəzası nəticəsində 8 nəfər xəsarət alıb.
SON XƏBƏRLƏR


Yuxarı