2020-02-07 19:22

Füzuli seçiciləri artıq seçimlərini ediblər

Vüqar Bayramovun böyük uğurlarla müşayiət olunan seçkiqabağı təbliğat-təşviqat kampaniyası artıq yekunlaşmaq üzrədir

Pressa xəbər verir ki, 84 saylı Füzuli seçki dairəsinin seçicilərinin respublikamızın müxtəlif bölgələrində məskunlaşdığını nəzərə alaraq seçki qərargahının əvvəlcədən tərtib etdiyi xüsusi qrafik əsasında bütün seçiciləri ziyarət etmək məqsədinin reallaşdırılması üçün təşviqat dövründə böyük səy göstərilib. 

Rayon əraizisindəki ilk görüşünü Horadiz şəhərində keçirən Vüqar Bayramov Füzuli rayonunun elə bir qəsəbəsi və kəndi qalmayıb ki, oradakı seçiciləri ziyarət edib, onları dinləməsin. Böyük Bəhmənli, Aşağı Yağlıvənd, Kərimbəyli, Əhmədalılar, Qazaxlar, Mirzənağılı, Şükürbəyli, Arayatılı, Babı, Mollaməhərrəmli, Gecəgözlü yatağı, Şıxlı yatağı, Bala Bəhmənli, Əhmədbəyli, Mahmudlu -1, Mahmudlu -2, Qarabağ, Araz Dilağarda, Araz Zərgər, Alıxanlı, Yuxarı Kürdmahmudlu, Aşağı Kürdmahmudlu kəndlərində, Zobucuqdakı 5, Qayıdışdakı 11 qəsəbədə və Fin qəsəbəsində  izdihamlı görüşlər keçirilib.

Bundan başqa, bu günədək Füzuli rayonundan kənarda yerləşən bütün yaşayış məntəqələrində - Sumqayıtda, Lökbatanda, Şirvanda, Sabirabadda, İmişlidə, Beyləqanda, Biləsuvarda, Salyanda, Kürdəmirdə, Mingəçevirdə, Gəncədə, Ağcabədidə, Bakının Bakıxanov və Zabrat qəsəbələrində məskunlaşmış, 84 saylı dairənin seçiciləri olan məcburi köçkünlərlə görüşlər keçirilib, onların qayğıları ilə yaxından tanış olunub, ehtiyacları öyrənilib, gələcək fəaliyyətdə nəzərə alınması üçün səsləndirilən təkliflər toplanaraq sistemləşdirilib, məcburi köçkünləri yaxından maraqlandıran ümumi və fərdi məsələlərin qeydiyyatı aparılıb. 
84 saylı Füzuli seçki dairəsi üzrə keçirilən görüşlər ümumilikdə 15 mindən çox seçicini əhatə edib, 10 mindən çox ailəyə Vüqar Bayramovun tərcümeyi-halı və detallı şəkildə platforması əks olunan jurnallar, təqvimlər paylanılıb. Mübağiləsiz demək olar ki, Vüqar Bayramovun seçkiqabağı marafonu əhatə dairəsinin genişliyinə, ənənəvi və müasir seçki texnologiyalarının uğurlu tətbiqinə və nümunəviliyinə görə respublikamızda ən uğurlu seçkiqabağı təşviqat kampaniyalarından biri kimi tarixə düşüb.  

Hər görüşdən sonra seçicilərin Vüqar Bayramovu dövrəyə alması, asanlıqla görüş yerindən ayırlmaq istəməməsi, səmimi söhbətə can atması, onu parlamentdə görmək arzusunu dönə-dönə təkrar etməsi Füzuli camaatının doğma torpağın yetişdirdiyi alim övladına olan etimad və güvənin təzahürüdür. Vüqar Bayramovun görüşlərdə üzünü seçicilərə tutaraq "9 fevralda seçkiyə gəlin, Füzuli rayonunu ölkəmizdə, respublikamızı isə dünyada layiqincə təmsil edəcək namizədə səs verin” söyləməsi, piarını rəqibləri yox, öz nailiyyətləri və fəaliyyət planı üzərində qurması onun yüksək əxalqi-mənəvi keyfiyyətlərinin bariz göstəricisidir. 
84 saylı Füzuli seçki dairəsinin seçicilərinin seçkiqabağı təbliğat dövründə göstərdikləri yüksək fəallığın əsas səbəblərindən biri də deputatlığa namizəd Vüqar Bayramovun seçicilərlə səmimi ünsiyyət qura bilməsinin və qısa zamanda qarşılıqlı etimad formalaşdırmağı bacarmasının nəticəsidir.
Bütün bu sadalananlar, eyni zamanda 84 saylı Füzuli seçki dairəsinin seçiciləri arasında  arasında fərqli siyasi mənsubiyyətli saytlar, sorğu agentlikləri və səhifələr tərəfindən aparılmış bütün sorğu və onlayn səsvermələrin nəticələrinə uyğun olaraq, Vüqar Bayramovun bütün rəqiblərini dəfələrlə üstələməsi onu deməyə əsas  verir ki, Füzuli seçiciləri artıq seçimlərini ediblər, eləcə də həmyerlilərinin tanınmış iqtisadçı alimə güvənləri tamdır. Bu etimad sağlam təməllər üzərində bərqərar olub və Vüqar Bayramov seçicilərin böyük əksəriyyətinin dəstəyini qazanacaq. 

Qeyd edək ki, Vüqar Bayramovun seçki qərargahı, ATƏT-in Demokratik Təsissatlar və İnsan Haqları Bürosunun Seçki Müşahidə Missiyasını  9 fevralda Vüqar Bayramovun namizəd kimi təmsil olunduğu dairədə müşahidə və monitorinqin aparılması üçün dəvət edib.


SON XƏBƏRLƏR


Yuxarı