Husilər Ben-Qurion hava limanına səsdən sürətli raketlə hücum ediblər

Yəmənin üsyançı "Ənsar Allah" hərəkatından olan husilər Təl-Əvivdəki Ben-Qurion hava limanına zərbə endiriblər.

Bunun üçün onlar səsdən sürətli raketdən istifadə ediblər.

Liderxeber.az-ın verdiyi məlumata görə, bu barədə üsyançıların formalaşdırdığı silahlı qüvvələrin nümayəndəsi Yəhya Saria məlumat verib.

Onun sözlərinə görə, hava limanına "Fələstin-2" tipli hipersəsli ballistik raketlə hücum edilib.

Saria əməliyyatın uğurlu olduğunu və zərbə nəticəsində İsrailin əsas hava limanının fəaliyyətini dayandırdığını deyib.

Qeyd edək ki, İsrail Müdafiə Qüvvələrindən (SAXAL) HHQ-nin Yəmən ərazisindən buraxılan raketi zərərsizləşdirdiyi bildirilib. Məlumata görə, İsrailin bir sıra rayonlarında hava həyəcanı siqnalları səslənib. Dağıntılar və ya yaralılar barədə məlumat daxil olmayıb.