Trampın sülh planına görə Ukrayna NATO-ya üzvlüklə bağlı bəndi konstitusiyasından çıxarmalıdır

Ukrayna öz konstitusiyasından NATO-ya üzvlüklə bağlı bəndi çıxarmalıdır. Bloka daxil olan ölkələr isə rəsmi Kiyevin heç vaxt alyansa qoşulmayacağını təsdiqləməlidir.

Liderxeber.az xəbər verir ki, bu barədə "RBC Ukrayna" mənbələrinə istinadən məlumat yayıb.

Saytın iddiasına görə, ABŞ Prezidenti Donald Trampın Ukrayna münaqişəsinin həlli üzrə planının təfərrüatları belədir.

Bildirilir ki, NATO üzvlərindən rəsmi Kiyevin gələcəkdə heç vaxt hərbi blokun üzvü olmayacağını hüquqi cəhətdən tanımaq tələb olunur.

Xatırladaq ki, ABŞ Prezidenti Donald Tramp Ukrayna münaqişəsi ilə bağlı yeni planı təsdiqləyib.