Honkonqda baş verən yanğında ölənlərin sayı 150 nəfəri ötüb

Honkonqda baş verən dəhşətli yanğın nəticəsində ölənlərin sayı 151 nəfərə çatıb.

Liderxeber.az xəbər verir ki, bu barədə "South China Morning Post" nəşri şəhərin yanğınsöndürmə xidmətinə istinadən məlumat yayıb.

Nəşrin məlumatına görə, yanan binalara baxış keçirən xilasedicilər dekabrın 1-də daha beş meyit aşkar ediblər.

Xatırladaq ki, noyabrın 26-da Honkonqun təxminən 4 min sakinin yaşadığı Tai Po rayonundakı yaşayış kompleksində bir neçə çoxmərtəbəli binada yanğın baş verib.