İran və Rusiya XİN başçıları regiondakı gərginliyi müzakirə ediblər

Rusiya və İran xarici işlər nazirləri - Sergey Lavrov və Abbas Əraqçı telefon danışığı zamanı regiondakı vəziyyət və İran ətrafındakı münaqişənin nizamlanması perspektivlərini müzakirə ediblər.

Liderxeber.az xəbər verir ki, bu barədə Rusiya Xarici İşlər Nazirliyi məlumat yayıb.

Bildirilib ki, tərəflər Yaxın Şərqdə davam edən ağır hərbi-siyasi böhranı ətraflı şəkildə nəzərdən keçiriblər. Danışıqlar zamanı münaqişənin beynəlxalq hüquq əsasında və region ölkələrinin, o cümlədən İran və onun qonşularının maraqları nəzərə alınmaqla siyasi-diplomatik yolla həllinin mümkünlüyü barədə fikir mübadiləsi aparılıb.

Həmçinin Sergey Lavrov iranlı həmkarını Tehrana Rusiyadan yeni humanitar yardım partiyasının göndərilməsi barədə məlumatlandırıb.