ABŞ “ChatGPT”nin bu modelinin bağlanmasını tələb etdi

ABŞ administrasiyası “OpenAI” şirkətindən “ChatGPT-5.6” süni intellekt modelinin yayımını məhdudlaşdırmağı tələb edib.

Liderxeber.az CNN-ə istinadən xəbər verir ki, Ağ Ev modelin inkişaf etmiş imkanlarını nəzərə alaraq onun yalnız hökumət tərəfindən təsdiqlənmiş məhdud sayda tərəfdaşın istifadəsinə verilməsini istəyib.

Məlumata görə, “OpenAI” modelin istifadəsini məhdudlaşdırmağa razılıq verib.

Bununla yanaşı, “OpenAI” hökumətə bu yanaşmanın uzunmüddətli həll olmadığını çatdırıb və gələcək modellər üçün daha dayanıqlı mexanizmin hazırlanması istiqamətində dövlət qurumları və sənaye nümayəndələri ilə əməkdaşlıq edəcəyini bildirib.

Ağ Ev rəsmisi isə CNN-ə açıqlamasında hökumətin qabaqcıl süni intellekt laboratoriyaları ilə bu texnologiyanın risklərinin idarə olunması üçün əməkdaşlığı davam etdirdiyini deyib.

Qeyd edək ki, ABŞ Prezidenti Donald Tramp administrasiyası iyunun 13-də Anthropic şirkətinin “Mythos” və “Fable” adlı ən inkişaf etmiş süni intellekt modellərinə ixrac məhdudiyyətləri tətbiq edib.