Beyonsedən Kolumbiyadakı zəlzələ qurbanlarına böyük həcmdə maddi yardım

Müğənni Beyonse Kolumbiyada baş vermiş zəlzələdən zərər çəkənlərə kömək məqsədilə öz şəxsi vəsaitindən 1 milyon dollar məbləğində ianə edəcək.

Liderxeber.az xəbər verir ki, bu barədə sənətçinin səsyazma leyblı olan "Parkwood Entertainment"in mətbuat xidməti məlumat yayıb.

Bildirilir ki, ayrılan vəsait ən çox zərər çəkmiş bölgələrə ərzaq və ilk ehtiyac mallarının çatdırılmasına sərf olunacaq.

Bundan əvvəl "El Tiempo" qəzeti məlumat vermişdi ki, kolumbiyalı müğənni Şakira zəlzələdən ciddi şəkildə ziyan görmüş Kolumbiyanın qərbindəki Çoko departamentində 10 yeni təhsil müəssisəsinin inşasını maliyyələşdirəcək.

Xatırladaq ki, avqustun 10-da Çoko departamentinin San-Xose-del-Palmar şəhəri yaxınlığında 7.4 maqnitudalı zəlzələ baş verib. Rəsmilərin qiymətləndirmələrinə əsasən, yeraltı təkanlar ölkənin 15 departamentinə təsir göstərib, 300-dən çox insan həyatını itirib, 31 mindən artıq ev isə dağılıb.