Bu ölkədə etiraz etmək qadağan olundu

Əfqanıstanda hakimiyyətdə olan “Taliban” bütün formalarda etiraz aksiyalarını qadağan edən yeni qayda tətbiq edib. “Taliban” bu qərarın İslam qanunlarına və ictimai asayişə uyğun olduğunu bildirib.

Liderxeber.az xəbər verir ki, “Taliban”ın sözçüsü Zəbihullah Mücahid açıqlamasında etirazların İslam qanunlarının bir hissəsi olmadığını deyib.

Onun sözlərinə görə, etirazlar demokratiya və respublika kimi idarəetmə sistemlərinə xasdır.

Mücahid bildirib ki, “Taliban”ın idarəetmə sistemində vətəndaşlar narazılıqlarını birbaşa hökumətə çatdıra bilərlər.

Sözçü qadağanın etirazlar zamanı insanların vaxtının itirilməsinin və əmlaka zərər vurulmasının qarşısını almağa xidmət etdiyini söyləyib.