İsrail Livandakı döyüşlərdə bu qədər hərbçi itirib

İsrail ordusu ilk dəfə Livanın cənubunda “Hizbullah” hərəkatının silahlı birləşmələrinə qarşı döyüş əməliyyatları zamanı həlak olan əsgərlərinin sayını açıqlayıb.

Liderxeber.az “The Times of Israel”ə istinadən xəbər verir ki, quru əməliyyatı zamanı İsrailin səkkiz əsgəri həlak olub.

Bildirilib ki, ölənlərdən üçü kapitan, üçü çavuş, ikisi isə baş çavuşdur.

Qəzza zolağında və Fələstin anklavının sərhədləri boyunca əməliyyat başlayandan bəri Müdafiə Ordusunun itkiləri 346 nəfərə çatıb.

Yaxın şərqdə vəziyyətin gərginləşdiyi 2023-cü ilin oktyabrın 7-dən bəri HƏMAS hərəkatı ilə döyüşlərdə İsrail ordusunun ümumi itkiləri 723 nəfərə çatıb.