ABŞ Senatı hökumətin fəaliyyətinin bərpasını nəzərdə tutan qanun layihəsini təsdiqləyib.
Liderxeber.az-ın məlumatına görə, yekun səsvermənin nəticələrinə əsasən, sənədi 60 senator dəstəkləyib, 40-ı isə əleyhinə səs verib.
Layihə hökumətin fəaliyyətinin dayandırıldığı (şatdaun) dövrdə ödənişsiz məzuniyyətə göndərilən dövlət qulluqçularına maaşların ödənilməsini, həmçinin, 2026-cı maliyyə ilinin sonunadək (30 sentyabr) ərzaq talonlarının maliyyələşdirilməsini nəzərdə tutur.
Qanun layihəsi Senatda qəbul edildikdən sonra səsvermə üçün Nümayəndələr Palatasına təqdim olunacaq.