Moskvanın Taqanski məhkəməsi videooyunlar tərtibatçısı “Roblox Corporation” şirkətini ümumilikdə 8 milyon rubl (təxminən 180 400 AZN) məbləğində cərimə edib.
Liderxeber.az xəbər verir ki, bu barədə “RİA Novosti” məlumat yayıb.
Bildirilib ki, hakim ABŞ şirkətini internetdə qeyri-ənənəvi cinsi münasibətlərin təbliğatı ilə bağlı iki protokol üzrə təqsirli hesab edərək, onların hər biri üçün 4 milyon rubl (təxminən 90 200 AZN) məbləğində cərimə təyin edib. Məhkəmə qərarının istinad etdiyi maddə LGBT-nin KİV və ya internet vasitəsilə təbliğatına görə inzibati məsuliyyət nəzərdə tutur.
Məhkəmə materiallarında protokolların tərtibinə nəyin səbəb olduğu açıqlanmasa da, “Roblox” şirkətinin qeyri-ənənəvi cinsi münasibətlərin cəlbedici obrazını formalaşdıran materialların yayılmasına yol verdiyi qeyd olunub.