"Barselona"nın ulduzu milli komandanın heyətindən çıxarıldı

Niderland Kral Futbol Assosiasiyası milli komandanın və "Barselona"nın yarımmüdafiəçisi Frenki de Yonqun zədələnməsi ilə bağlı yayılan məlumatlara aydınlıq gətirib.

Liderxeber.az xəbər verir ki, 28 yaşlı futbolçu DÇ-2026-nın seçmə mərhələsi çərçivəsində Polşa ilə matçda (1:1) aldığı zədədən sonra kluba qayıtmaq məcburiyyətində qalıb.

Futbolçu Litva ilə sentyabrın 7-nə planlaşdırılan oyunu buraxacaq.

Qeyd edək ki, de Yonq millinin heyətində 60 oyunda 2 qol vurub, 8 məhsuldar ötürmə edib.