Bakının elektrik qatarları: təhlükəsiz, rahat, sürətli - Foto - Video

Paytaxt və iri şəhər sakinlərinin gündəlik yaşam ritmi çox ağırdı, çünki bir nöqtədən digərinə çatmaq üçün kifayət qədər uzun məsafə qət etməli və xeyli vaxt sərf etməlidirlər.

Bakı şəhərinin əhalisinin sıx olması və avtomobillərin çoxluğu səbəbindən paytaxt küçələrində tıxaclar və sıxlıq yaranır ki, mənzil başına çatmaq üçün bəzən 1,5-2 saat vaxt sərf etmək lazım gəlir. Biz hələ paytaxt ətrafı kənd və qəsəbələrdən, Bakıya yaxın olan Xırdalan və Sumqayıt şəhərlərindən gələn, gedən sərnişinlərdən danışmırıq...

Bu kontekstdə kifayət qədər təhlükəsiz, rahat və sürətli nəqliyyat növü Bakı-Xırdalan-Sumqayıt və Bakı-Pirşağı-Bakı marşrutları üzrə hərəkət edən elektrik qatarlarıdır.

Bunun bariz nümunəsi də qeyd olunan istiqamətlərdən istifadə edən sərnişinlərin sayının ildən-ilə artmasıdır. Məsələn, bu il may ayında "Azərbaycan Dəmir Yolları" QSC (ADY) şəhərətrafı və ölkədaxili marşrutlar üzrə 702 756 sərnişini təhlükəsiz daşıyıb, bunun da 675 915 nəfəri Abşeron dairəvi dəmir yolunun payına düşüb. Ötən ilin müvafiq göstəricisi ilə müqayisədə bu ilin may ayında Abşeron dairəvi yolu ilə 12,7% çox sərnişin daşıb.

Digər maraqlı fakt odur ki, bu il ADY Milli Qurtuluş Günü və Qurban bayramı ilə əlaqədar qeyri-iş günlərində Abşeron dairəvi yolu ilə 42 649 sərnişin daşıyıb, bu da illik müqayisədə 12% artım deməkdir. ADY bu il qeyd olunan bayram günlərində isə 53 mindən çox sərnişini təhlükəsiz qaydada daşıyıb.

Onu da vurğulamaq lazımdır ki, ADY qatarları ilə şəhərətrafi marşrutlarla gündəlik daşınan sərnişinlərin sayı 30 mindən çox olur. Gün ərzində bu sayda sərnişinin daşınması üçün isə 6 000 avtomobil tələb olunur.

Öz növbəsində avtomobillərin çoxluğu yol-nəqliyyat infrastrukturunun həddindən artıq yüklənməsinə şərait yaradır, tıxaclara və təəssüf ki bəzən ölümlə nəticələnən qəzalara, yol-nəqliyyat hadisələrinə gətirib çıxarır.

Səmimi olaraq etiraf etmək lazımdır ki, dəfələrlə şəhərdə həm fərdi avtomobil, həm də avtobus sürücülərinin yollarda "sürət yarışı" keçirməsinin və bununla da nəinki öz, həm də digər insanların, vətəndaşların, sərnişinlərin həyatını təhlükəyə atmasının şahidi olmuşuq.

Yeri gəlmişkən, ötən həftə Milli Qurtuluş Günü və Qurban bayramı ilə əlaqədar qeyri-iş günlərində 28 yol-nəqliyyat hadisəsi baş verib və baş verən qəzalarda 16 nəfər həyatını itirib, 23 nəfər xəsarət alıb. Bu da yenidən onu sübut edir ki, avtomobil yollarında sıxlıq və tələskənlik nəticəsində itkilər olur, insanlar öz həyatını itirir, lakin dəmir yolu nəqliyyatında istər adi günlərdə, istər isə bayram günlərində belə xoşagəlməz hallar yer almır. Və beləliklə, belə nəticəyə qəlmək olar ki, dəmir yolu təhlükəsiz nəqliyyat növü kimi özünü təstiqləyir.

Qeyd olunanları nəzərə alaraq, Liderxeber.az yuxarıda göstərilən marşrutlar üzrə hərəkət edən sürət qatarlarının sərnişinləri arasında sorğu keçirib.

Sorğu Bakı Dəmiryolu Vağzalının gözləmə zalında olan və Bakı-Pirşağı-Bakı istiqaməti üzrə hərəkət edən elektrik qatarı sərnişinləri arasında aparılıb.

Sorğunun nəticələrinə əsasən bu qənaətə gəldik ki, ümumiyyətlə, Bakı-Sumqayıt şəhərləri arasında hərəkət edən elektrik qatarlarından istifadə edən “Azərbaycan Dəmir Yolları” QSC-nin sərnişinləri göstərilən xidmətlərdən razıdırlar. Söhbət ilk növbədə göstərilən xidmətlərin təhlükəsizliyindən gedir. Bu, həm qatarların hərəkəti zamanı onların daxilində təhlükəsizlik məsələlərinə, həm də xarici amillərə aiddir.

Elektrik sürət qatarlarından istifadənin yüksək təhlükəsizliyindən danışan respondentlər şəxsi heyətin təhlükəsizlik baxımından sərnişinlərin pilləkənlərdə oturmamasını diqqətli şəkildə təmin etdiyini və belə faktlar aşkar olunarsa, sərnişinləri bu qaydalara mədəni və əlçatan bir şəkildə əməl etməyə çağırırlar.

Bundan əlavə, təhlükəsizliyin təmin edilməsinə gəldikdə, sərnişinlər qatarlarının göyərtəsində təhlükəsizlik orqanlarının rolunu xüsusilə qeyd edirlər.

"Qatardan istifadə edərkən heç bir təhlükə olmadan tez bir zamanda istədiyimiz yerə çatırıq. Tıxaclar şəraitində qatar çox sərfəli və təhlükəsizdir", - sərnişinlərdən biri qeyd edib.

Sərnişinlər həmçinin sürətli qatarların göyərtəsində və marşrut boyu hərəkət edərkən təhlükəsizlik və nəzarət sisteminə etibar etdiklərini deyiblər. Sürətli elektrik qatarlarını digər nəqliyyat növləri ilə müqayisə edərkən sərnişinlər göstərici və parametrlərin dəmir yolu sırasının lehinə birlik nümayiş etdirirlər.

"Qatardan istifadə edərkən tıxaclara düşmürük, vaxtında işə çatırıq, kondisioner işləyir, təmizliyə və səliqəyə riayət olunur. Mən şəxsən çox razıyam qatarlardan. Təhlükəsizlik məsələsində də mən güvənirəm", - xanım sərnişin vurğulayıb.

Araşdırmamız və şəxsi təcrübəmiz əsasında belə bir nəticəyə gələ bilərik ki, elektrik qatarları hazırda ən təhlükəsiz, ən sürətli və ən rahat nəqliyyat növüdür. Bu nəqliyyat növü paytaxt və ətraf kəndlərin, eləcə də Xırdalan və Sumqayıt kimi şəhərlərin sakinləri arasında çox məşhurdur.

Bu yazını sərnişinlərdən birinin sitatı ilə yekunlaşdırmaq istərdik: "Mən düşünürəm ki, Bakı-Sumqayıt istiqaməti ilə gediş-gəliş edənlər üçün qatar avtomobil və digər ictimai nəqliyyat növlərindən daha təhlükəsiz və rahatdır".