Pressa.az » Dünya » Gürcüstan Prezidenti və Baş naziri Novruz şənliyində - Fotolar

Gürcüstan Prezidenti və Baş naziri Novruz şənliyində - Fotolar

04 aprel 2025, Cümə, 17:56
Gürcüstan Prezidenti və Baş naziri Novruz şənliyində - Fotolar

Marneuli meriyası Novruz bayramı münasibətilə tədbir təşkil edib.

Liderxeber.az xəbər verir ki, tədbirə Gürcüstanın Prezidenti Mixeil Kavelaşvili, Baş naziri İrakli Kobaxidze, Parlament sədri Şalva Papuaşvili və digər bayram tədbirində Gürcüstan Azərbaycanlılarının İnteqrasiya Mərkəzi də iştirak edib. Mərkəzin “Robotexnika” klubunun üzvlərinin 3D printerlə rəsmi şəxslər qatılıb. hazırladığı və üzərində Marneulinin gerbi əks olunan plaketlər Gürcüstan Prezidentinə və Baş nazirinə hədiyyə verilib. Parlament sədrinə isə rəsm klubunun üzvlərinin əsəri təqdim olunub. Rəsmilər daha sonra Azərbaycan guşəsində GAİM-in üzvlərinin əl işlərindən ibarət sərgiyə baxıblar.

Marneulidə digər bir bayram tədbiri Gürcüstan Azərbaycanlılarının İnteqrasiya Mərkəzində baş tutub. Tədbirdə gürcü və ingilis dili qrupunun şagirdləri hər iki dildə çıxış ediblər. Gimnastika dərnəyinin şagirdlərinin ifasında rəqs nömrəsi nümayiş olunub. Bayramın əsas personajlarından Bahar qızı, Kosa və Keçəlin iştirakı şənliyə rəng qatıb. Onlar yumurta döyüşdürüb, uşaqları əyləndiriblər. Ardınca şeirlər və mahnılar səsləndirilib. Sonda GAİM-in icraçı direktoru Murad Muradov bayram münasibətilə tədbir iştirakçılarını təbrik edərək onlara firavanlıq və xoşbəxtlik arzulayıb.

Novruz bayramı Laqodexi rayonun Qabal kəndində də qeyd olunub. Qabal İnkişaf Mərkəzinin təşkilatçılığı ilə müxtəlif idman yarışları və el şənliyi keçirilib. Səhər saatlarında at yarışları ilə başlayan tədbir konsert proqramı ilə başa çatıb. Gürcüstanın müxtəlif bölgələrindən gələn idmançılar güləş, marafon yürüşü, kikboks, futbol və voleybol yarışlarında güclərini sınayıblar. Qaliblərə kubok, diplom və pul mükafatları təqdim olunub. Mərkəzin rəhbəri Yavər Məmmədov tədbirin təşkilində zəhmət çəkənlərə və verdiyi dəstəyə görə Lagodexi bələdiyyəsinə minnətdarlığını bildirib. Tədbir daha sonra Novruz adətlərinin icrası, vətənə aid şeirlərin söylənməsi, mahnı və rəqslərin ifası ilə davam edib.