Estoniyanın müdafiə naziri istefa verdi

Estoniyanın müdafiə naziri Hanno Pevkur hərbi müqavilələrdə aşkar edilən nöqsanlara görə istefa verib.

Liderxeber.az xəbər verir ki, bu barədə ERR məlumat yayıb.

"Dövlət Nəzarətinin ilk növbədə Müdafiə Qüvvələri və Dövlət Müdafiə İnvestisiyaları Mərkəzinin fəaliyyətinə dair iradları siyasi məsuliyyət məsələsi yaradır. Məhz buna görə, mən bütün müdafiə sektoru üzrə siyasi məsuliyyəti öz üzərimə götürməyi və baş nazirə uyğun olan vaxtda müdafiə naziri postunu təhvil verməyi doğru hesab edirəm", - deyə Pevkur bildirib.

Qeyd olunur ki, Estoniyanın Ukraynaya mərmi almaq istədiyi və bu məqsədlə əvvəllər heç vaxt silah-sursat satmayan hindistanlı iş adamlarına ümumilikdə 70 milyon avro məbləğində avans ödədiyi üzə çıxıb.