Rusiyada deputatlar xaricə icazəsiz səfər etdikləri halda səlahiyyətlərinə xitam veriləcək

Rusiyada deputatlar və senatorlar xaricə icazəsiz səfər etdikləri halda mandatları ləğv ediləcək.

Liderxeber.az-ın Moskva müxbiri xəbər verir ki, Dövlət Duması deputatların və senatorların xaricə icazəsiz səfər etdikləri halda onların səlahiyyətlərinə vaxtından əvvəl xitam verilməsi haqqında qanun qəbul edib.

Təşəbbüs Rusiyanın təhlükəsizliyinə yeni təhdidlərin yaranması və son vaxtlar xarici kəşfiyyat xidmətlərinin fəaliyyətinin xüsusilə intensivləşməsi ilə əlaqədar irəli sürülüb.