İsrail Fələstin prezidenti Mahmud Abbasın Qəzzaya səfərinə icazə verməyib

“İsrail hökuməti Fələstin prezidenti Mahmud Abbasa Qəzza zolağına səfər etməyə icazə verməyərək İsrailin anklavı işğal etdiyini təsdiqləyib.”

Liderxeber.az xəbər verir ki, bunu avqustun 22-də Fələstinin xarici işlər naziri və prezidentin beynəlxalq əlaqələr üzrə müşaviri Riyad əl-Maliki “RİA Novosti”yə açıqlamasında bildirib.

“Biz icazə istəmədik. Prezidentin Qəzzaya gedəcəyini bildirdik. Və sonra İsrailin cavabı gəldi və bildirdi ki, onlar prezident Mahmud Abbasın Qəzzaya girməsinə icazə verməyəcəklər. Bu, yalnız Qəzzanın İsrailin hərbi işğalı altında olması deməkdir”, - deyə o bildirib.

Riyad əl-Maliki həmçinin qeyd edib ki, Abbas İsrail hakimiyyətinin oxşar reaksiyasını qabaqcadan görüb.

Məhz bu səbəbdən o, Qəzzaya girmək üçün əvvəlcədən Birləşmiş Millətlər Təşkilatının Təhlükəsizlik Şurasından (BMT TŞ) dəstək istəyib.