Azərbaycanın iki boksçusu dünya çempionatına qələbə ilə start verib

Azərbaycanın iki boksçusu Birləşmiş Ərəb Əmirliklərinin Dubay şəhərində keçirilən dünya çempionatının 1/16 finalında qələbə qazanıb.

Liderxeber.az xəbər verir ki, bu barədə Azərbaycan Boks Federasiyası məlumat yayıb.

63.5 kiloqram çəkidə Maqsud Xasmetov ruandalı rəqibi Pasifik Niyonzimanı nokautla məğlub edib. O, 1/8 finalda Ruslan Qafurovla (Tacikistan) qarşılaşacaq.

71 kiloqram çəkidə Sərxan Əliyev isə keniyalı Bonifatsi Maynanı (Keniya) mübarizədən kənarlaşdırıb. O, 1/8 finalda Arturs Vaisla (Latviya) ilə rinqə çıxacaq.

Qeyd edək ki, dünya çempionatına dekabrın 13-də yekun vurulacaq.