Türkiyə serialı cəmi 6 bölümdən sonra final edir
Türkiyənin “NOW TV” kanalında yayımlanan “Gizli bahçe” serialı final edir.
Məşhur aktyor Murat Yıldırım və aktrisa Ebru Şahinin baş rollarını canlandırdığı serial 6-cı bölümdə izləyicilərlə vidalaşacaq.
TMC Film tərəfindən istehsal olunan və çərşənbə axşamları efirdə yayımlanan “Gizli bahçe” oktyabrın 15-i başlayıb. İlk bölümündə 3,09 reytinqlə zəif başlayan serial, ikinci bölümündə bir qədər yüksəlsə də, bu performansını qoruya bilməyib. Nəticədə, beş bölümünü orta hesabla 3,69 ilə tamamlayıb.
