MEDİA çağırış etdi
![MEDİA çağırış etdi](https://cdn.liderxeber.az/posts/2024-04/1000282316.webp)
Medianın İnkişafı Agentliyi jurnalistlərə çağırış edib.
LiderXəbər xəbər verir ki, media nümayəndələrinə reallıqdan uzaq, əsassız məlumatlar yaymamaq tövsiyə olunub: “Ermənistanın və bir sıra digər xarici ölkələrin media resurslarında Azərbaycan ərazisindən üçüncü dövlətə qarşı hərbi məqsədlərlə istifadə edilməsi haqqında mənbəyi məlum olmayan, habelə reallıqdan uzaq, əsassız məlumatlar yayılmaqdadır.
Medianın İnkişafı Agentliyi tərəfindən aparılan araşdırmalar nəticəsində sözügedən məlumatların dezinformasiya mahiyyəti daşıdığı və ölkəmizə qarşı sistemli dezinformasiya hücumlarının tərkib hissəsi olduğu müəyyənləşdirilib.
Medianın peşəkarlıq və beynəlxalq etik dəyərləri ilə ziddiyyət təşkil edən yalan məlumatların, dəqiqləşdirilməmiş rəylərin tirajlanmasını ölkəmizin beynəlxalq nüfuzuna kölgə salmağa hesablanmış növbəti uğursuz cəhd kimi qiymətləndiririk.
Media subyektlərini və jurnalistləri qeyri-dəqiq, mənbəyi bilinməyən məlumatlardan istifadə etməməyə və ölkəmizə yönəlmiş dezinformasiya hücumlarının istənilən təzahürlərinə qarşı prinsipiallıq nümayiş etdirməyə çağırırıq”.
Oxşar Xəbərlər:
![Azərbaycanda qəbulu test imtahanı ilə aparılacaq dövlət qulluğu vəzifələrinin sayı artırılıb](https://cdn.liderxeber.az/posts/2024-04/1712145357_download-2.webp)
![Jalə Əhmədova: “Prezident İlham Əliyev ölkəmizin gələcək inkişaf prioritetlərini bəyan etdi”](https://cdn.liderxeber.az/posts/2024-02/thumbs/1000244981.webp)
![Mətbuat Şurası Fransanın azərbaycanlı jurnalistlərə qarşı kampaniyasını pisləyib - BƏYANAT](https://cdn.liderxeber.az/posts/2023-12/thumbs/dd2051a4-7514-3389-b496-82338c734521_850.webp)