Aleksandr Maslyakov vəfat edib

Şən və Hazırcavablar Klubu (ŞHK) televiziya verilişinin yaradıcısı və aparıcısı Aleksandr Maslyakov vəfat edib.

Liderxeber.az Rusiya mətbuatına istinadən xəbər verir ki, 82 yaşlı aparıcı ağciyər xərçəngindən əziyyət çəkirdi.

Klubun rəsmi teleqram kanalında deyilir ki, Maslyakov ŞHK hərəkatının bütün iştirakçıları və milyonlarla tamaşaçı üçün əfsanə olub və əbədi olaraq belə qalacaq.

Aleksandr Maslyakov 24 noyabr 1941-ci ildə Yekaterinburqda (bundan öncə Sverdlovsk) anadan olub. O, Rusiyanın əməkdar incəsənət xadimi, Çeçenistan Respublikasının xalq artisti olub.