Xırdalanda 2 nömrəli məktəb bərbad vəziyyətdədir - Fotolar

"Bizim hər birimiz elmi dərəcəmizdən, biliyimizdən, təhsil səviyyəmizdən asılı olmayaraq, bütün nailiyyətlərimizə görə məktəbə, müəllimə borcluyuq".

Bu fikir ümummilli liderimiz H.Əliyevin məktəbə, müəllimə verdiyi dəyərin göstəricisi idi. Bir çox regionlarımızda məktəblərin təmiri və ya yenidən tikilməsi ölkə rəhbərinin də bu sahəyə diqqətinin yüksək olduğunu göstərirdi.

Görülən işlərə baxmayaraq, hələ də məktəblərdəki təmir-tikinti ilə bağlı problem tam həll olunmayıb. Hələ də istifadəyə yararsız halda, uçulub-dağılmış, darısqal, müasir tələblərə cavab verməyən məktəblər qalmaqdadır.

Liderxeber.az xəbər verir ki, bu günlərdə Xırdalanda 2 nömrəli tam orta məktəbin, tamamilə, yararsız vəziyyətdə olması barədə News365.az-a məlumat daxil olub.