“Natiq Əliyev” tankeri Qara dənizdə yük gəmisi ilə toqquşub

Qara dənizdə Novorossiyk limanında “Natiq Əliyev” tankeri “Beqoniya” yük gəmisi ilə toqquşub.

Liderxeber.az xəbər verir ki, bu barədə TASS məlumat yayıb.

Bölgənin fövqəladə hallar xidmətinin məlumata görə, onlardan birinə cüzi ziyan dəyib.

Hadisə zamanı xəsarət alan yoxdur.

“Qara dənizdə lövbərdə “Natiq Əliyev” gəmisi hava şəraiti ilə əlaqədar “Begonia S” gəmisi ilə toqquşub. Nəticədə “Begonia S” gəmisinin pruvasına cüzi ziyan dəyib. Ölən və ya xəsarət alan olmayıb, ətraf mühitin çirklənməsi müşahidə edilməyib”, - agentliyin mənbəsi bildirib.

Rusiyanın Dəniz və Çay Nəqliyyatı üzrə Federal Agentliyin məlumatına görə, gəmilərdə neft sızma təhlükəsi yoxdur.