“Türkiyə İsraillə ticarət əlaqələrini tamamilə kəsib”

Bu gün Türkiyə Böyük Millət Məclisində (TBMM) Qəzza ilə bağlı xüsusi iclas keçirilib.

Liderxeber.az “TRT Haber”ə istinadən xəbər verir ki, iclasda çıxış edən Türkiyənin xarici işlər naziri Hakan Fidan Türkiyə və İsrail arasında əlaqələrin hazırkı vəziyyətindən danışıb. 

O, ölkəsinin İsraillə ticarət əlaqələrini kəsdiyini vurğulayıb: “İsraillə ticarətimizi tamamilə kəsmişik. Türkiyə gəmilərinin İsrail limanlarına getməsinə, İsrail təyyarələrinin isə hava məkanımıza daxil olmasına icazə vermirik”.