Ronaldu dünya rekordunu yenilədi
Portuqaliyalı hücumçu Kriştianu Ronaldu milli komandada qolların sayına görə dünya rekordunu yeniləyib.
Liderxebet.az championat.com saytına istinadla xəbər verir ki, K.Ronaldu yığmada 138-ci qolunu vuraraq, dünya rekordunu yeniləyib.
Forvard 138-ci qolunu UEFA Millətlər Liqasının finalında İspaniya seçmə komandasının qapısından keçirib (2:2, 5:3 pen.).
Yığmada qolların sayına görə ikinci yerdə argentinalı Lionel Messi qərarlaşıb. Onun hesabında 112 qol var.
