"Barselona" ilə oyundan sonra "depressiya" yaşayan azyaşlı "Malyorka"nın məşqinə dəvət edildi

İspaniyanın "Malyorka" klubu La Liqanın I turunda "Barselona"ya qarşı oyunda ağlayan oğlan uşağını komandanın məşqinə dəvət edib.

Liderxeber.az xəbər verir ki, bu barədə klub "X" səhifəsində paylaşım edib.

Xatırladaq ki, "Barselona"ya 0-3 hesabı ilə uduzduğu matçda "Malyorka" iki qırmızı kart alıb. Lorens Simone adlı həmin uşaq azarkeş də ikinci qırmızı kart veriləndən sonra ağlamağa başlayıb.

Uşağın fotosu tez bir zamanda sosial şəbəkələrdə geniş müzakirə olunub və klub onu məşqə dəvət etmək qərarına gəlib. Məşqdə iştirak edən klub üzvləri Lorenslə söhbət edərək, ona klubun formasını bağışlayıblar.