Peres "Barselona" ilə oyundan əvvəl hakimlər briqadasına baş çəkib

"Real"ın prezidenti Florentino Peres "Barselona" ilə oyundan əvvəl futbolçuları və hakimlər briqadası ilə görüşüb. 

LiderXəbər xəbər verir ki, bu barədə "Mundo Deportivo" məlumat yayıb. Bu məqsədlə o, paltardəyişmə otaqlarına gedib.

Meydan sahiblərinin prezidentinin matçın başlamasına az qalmış belə addım atması “Barselona” oyunçularını təəccübləndirib. Bildirilir ki, Madrid klubunun arbitraj müşaviri Megia Davila və İspaniya Kral Futbol Federasiyasının (RFEF) məlumatçısı Peres Lasa da Florentino Peresin yanında olub.

Sözügedən görüş "Real"ın 3:2 hesablı qələbəsi ilə başa çatıb.

Qeyd edək ki, "Real" hazırda La Liqanın turnir cədvəlində 81 xalla liderdir. 70 xala sahib olan "Barselona" isə 2-cidir.