Argentina prezidenti Messidən danışdı

Argentina prezidenti Xavyer Miley millinin üzvü Lionel Messidən danışıb.

Liderxeber.az verir ki, o, 37 yaşlı hücumçunu tarixin ən yaxşı futbolçusu adlandırıb: 

“Messi haqqında fikirlərimi bilmək istərdinizmi? Leo tarixin ən yaxşı oyunçusudur. Mən bunu çoxdan deyirəm. Hətta bunu əvvəllər dediyim bir video var. Üstəlik, Lionel orta hesabla Peleni üstələyir. Buna heç bir şübhə yoxdur.

Messini öz iqamətgahımda qəbul etmək mənim üçün şərəf olardı”

Qeyd edək ki, Messinin kapitanı olduğu Argentina millisi 2024-cü il Amerika Kubokunun finalında Kolumbiya millisi ilə qarşılaşacaq. Turnirin final matçı iyulun 15-nə təyin edilib. Oyun Bakı vaxtı ilə saat 04:00-da başlayacaq.