2024-cü ilin ən yaxşı futbolçusu bəlli olub
Beynəlxalq Futbol Tarixi və Statistikaları Federasiyası (IFFHS) 2024-cü ilin ən yaxşı oyunçusunu açıqlayıb.
Liderxeber.az xəbər verir ki, bu barədə qurumun rəsmi saytı məlumat yayıb.
Federasiyanın versiyasına əsasən, bu ada İspaniya millisinin və İngiltərənin "Mançester Siti" klubunun yarımmüdafiəçisi Rodri layiq görülüb.
28 yaşlı oyunçu 191 xalla birinci olub.
Braziliya millisinin və İspaniyanın "Real Madrid" klubunun oyunçusu Vinisius Junior (166 xal) ikinci yeri tutub. İlk üçlüyü 62 xalla "Real"ın digər üzvü Cud Bellinqem qapayıb.
