Bu il TANAP-dan Türkiyəyə 10,2 milyard kubmetr qaz nəql olunacaq
![Bu il TANAP-dan Türkiyəyə 10,2 milyard kubmetr qaz nəql olunacaq](https://cdn.liderxeber.az/posts/2023-06/9bdc50c6-ca96-3f74-a8dc-5f5edc8b0b9e_850.webp)
Bu il Trans Anadolu Boru Kəməri (TANAP) vasitəsilə Türkiyəyə 10,2 milyard kubmetr qaz nəql olunacaq.
LiderXəbər xəbər verir ki, bunu Azərbaycanın Türkiyədəki səfiri Rəşad Məmmədov "Anadolu" agentliyinə müsahibəsində bildirib.
Səfir qeyd edib ki, bu il 22,2 milyard kubmetr qaz ixracı gözlənilir ki, bunun da 10,2 milyard kubmetri Türkiyəyə, 12 milyard kubmetri isə Avropayadır.
Bakı-Tbilisi-Ərzurum, TANAP və Trans-Adriatik Boru Kəmərinin (TAP) ümumi investisiya dəyərinin 40 milyard dollar olduğunu deyən R.Məmmədov vurğulayıb ki, TANAP-ın fəaliyyətə başladığı gündən bu yana 46 milyard kubmetr qaz nəql olunub ki, bunun 22 milyard kubmetri Türkiyəyə, 24 milyardı isə Avropaya tədarük edilib.
Statistik göstəricilərə əsasən, 2022-ci ildə Azərbaycandan Türkiyəyə qaz nəqli 8 milyard 705 milyon kubmetr təşkil edib. Bu, o deməkdir ki, artım təxminən 1,5 milyard kubmetr təşkil edib.
R.Məmmədov əlavə edib ki, ötürmə qabiliyyətinin 32 milyard kubmetrə çatdırılması həm Azərbaycanın, həm də müxtəlif dövlətlərin qazının həmin kəmər vasitəsilə Avropa dövlətlərinə göndərilməsinə imkan verəcək:
"Bu, həm Azərbaycan, həm də Türkiyənin Avropanın enerji təhlükəsizliyində rolunu artıracaq".
Azərbaycanın Türkiyənin enerji sektoruna yatırdığı sərmayələrə gəlincə, səfir deyib ki, bu meqalayihələrə əlavə olaraq, SOCAR-ın Türkiyənin enerji sektoruna yatırdığı investisiya məbləği 20 milyard dollar civarındadır.
Oxşar Xəbərlər:
![“NEGlobal”: Azərbaycan yeni qlobal enerji təhlükəsizliyində xüsusi rol oynaya bilər](https://cdn.liderxeber.az/posts/2023-06/thumbs/648421a3a5779648421a3a577a1686380963648421a3a5775648421a3a5777.webp)
![Azərbaycan və Rumıniya prezidentləri mətbuata bəyanatlarla çıxış ediblər](https://cdn.liderxeber.az/posts/2023-02/thumbs/5e552123-cc47-38ca-9a54-5399ed9d0f44_850.webp)