Azərbaycanda ən çox vergi ödəyən 30 şirkətdən biri bu oldu
“Azerbaijan Coca-Cola Bottlers” MMC 2024-cü il üzrə dövlət büdcəsinə ən çox vergi ödəyən 27-ci şirkət olub.
Bu barədə məlumat Azərbaycan Respublikasının İqtisadiyyat Nazirliyi yanında Dövlət Vergi Xidmətinin “2024-cü il üzrə dövlət büdcəsinə ən çox vergi ödəyən və bu barədə məlumatın açıqlanmasına razılıq verən 100 vergi ödəyicisi” siyahısında öz əksini tapıb.
Siyahıya əsasən, şirkət ötən il dövlət büdcəsinə 45,9 milyon manat vergi ödəyərək Azərbaycanın ən çox vergi ödəyən 100 şirkəti arasında 27-ci yerdə qərarlaşıb.
Bu yaxınlarda şirkətin İsmayıllıda investisiya dəyəri 68 milyon manat olan ikinci zavodu fəaliyyətə başlayacaq. İsmayıllıda yeni zavodun tikilməsi Coca-Cola-nın Azərbaycana olan uzunmüddətli investisiya öhdəliyini nümayiş etdirir.
Hazırda 400-dən çox işçisi olan Coca-Cola Azərbaycan eyni zamanda təchizat zənciri vasitəsilə 5000-dən çox iş yerini dəstəkləyir. Şirkət tullantıların azaldılması, su ehtiyatının qorunması, qadın və gənclərin iqtisadi imkanlarının artırılması məqsədi ilə icma layihələrinə 3 milyon dollardan çox sərmayə yatırıb.
Qeyd edək ki, Coca-Cola məhsullarını 200-dən çox ölkədə satan qlobal içki şirkətidir və məqsədi dünya istehlakçılarını təravətləndirmək və fərqlilik yaratmaqdır. Şirkət Azərbaycandakı fəaliyyətinə 1994-cü ildə Türkiyənin beynəlxalq içki istehsalı şirkəti olan “Coca-Cola İçecek”in tərkib hissəsi olaraq “Azerbaijan Coca-Cola Bottlers”ın yaradılması ilə başlayıb və o vaxtdan bəri Coca-Cola, Fanta, Sprite, Bonaqua, Cappy və Fuse Tea kimi məşhur sərinləşdirici içki markalarının istehsalı və satışı ilə məşğuldur.
