Əbu-Dabidə keçiriləcək "Böyük Dəbilqə" turniri təxirə salındı

Beynəlxalq Cüdo Federasiyası (IJF) ilin ikinci yarısı üçün təqvimində bəzi dəyişikliklər edib.

Liderxeber.az xəbər verir ki, Əbu-Dabidə oktyabrda keçirilməsi planlaşdırılan "Böyük Dəbilqə" turniri noyabr ayına təxirə salınıb.

Bu, oktyabrda Lima (10-12-də) və Qvadalaxarada (17-19-da) iki yeni Qran-prinin keçirilməsi ilə əlaqədardır.

Beləliklə, BƏƏ-də "Böyük Dəbilqə" yarışı noyabrın 27-29-da baş tutacaq.

Qeyd edək ki, ötən il Əbu-Dabidə keçirilən turnirdə Azərbaycan komandası bir qızıl, bir gümüş və iki bürünc medal qazanıb.