Gəncədə tikinti konstruksiyası aşdı: Xəsarət alanlar var
Aqustun 21-də saat 14:20-də biri azyaşlı olmaqla iki nəfər (bir qadın, bir kişi cinsli) Gəncə Şəhər Birləşmiş Xəstəxanasının Təcili tibbi yardım şöbəsinə hospitalizasiya olunub.
Bu barədə Liderxeber.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
Məlumatda qeyd olunub ki, müxtəlif növ yüngül bədən xəsarətləri alan pasiyentlərə zəruri tibbi xidmətlər göstərilib:
"Vəziyyəti stabil olan şəxslər ambulator müalicə üçün evə buraxılıblar".
Gəncədə tikinti-bərpa işləri aparılan ərazidə quraşdırılan dəmir konstruksiyanın aşması nəticəsində bir nəfər xəsarət alıb.
Liderxeber.az-ın əldə etdiyi məlumata görə, şəhərin Heydər Əliyev prospektində tikinti gedən ərazidə dəmir konstruksiya aşıb və ərazidən keçən bir nəfərin qoluna dəmir boru dəyib.
Hadisə nəticəsində sözügedən şəxsin qolu əzilib.
Faktla bağlı Gəncə Şəhər Baş Polis İdarəsində araşdırma aparılır.
Oxşar Xəbərlər:
