Bakıda sürücü yük maşını ilə iki avtomobili vurub hadisə yerindən qaçdı

Bakıda yük maşını iki avtomobili vurub qaçıb.

Liderxeber.az-ın məlumatına görə, hadisə paytaxtın Binəqədi rayonu ərazisində baş verib.

Belə ki, Binəqədi şosesi ilə Biləcəri-Baksol yolunun kəsişməsində hərəkətdə olan "Isuzu" markalı, 77-GR-125 dövlət qeydiyyat nişanlı yük maşını eyni istiqamətdə hərəkətdə olan "Nissan" və BYD markalı avtomobilləri vurub. Avtomobillərə xeyli zərər yetirən sürücü hadisə yerindən yayınıb.

Polis əməkdaşlarının keçirdikləri tədbirlərlə yük avtomobili saxlanılaraq, sürücüsü barəsində tədbir görülüb.