Rezidenturaya qəbul imtahanı üçün qeydiyyat başlayıb
![Rezidenturaya qəbul imtahanı üçün qeydiyyat başlayıb](https://cdn.liderxeber.az/posts/2023-07/1690182864_thumb.webp)
Rezidenturaya qəbul imtahanının II mərhələsində iştirak etmək üçün qeydiyyat başlayıb.
Dövlət İmtahan Mərkəzindən verilən xəbərə görə, rezidenturaya qəbul olmaq üçün baza fənləri üzrə biliklərin qiymətləndirilməsi imtahanında (I mərhələ) “məqbul” almış (40 və daha çox bal toplamış) və rezidenturaya qəbul olmaq hüququ olan namizədlər ixtisas fənləri üzrə biliklərin qiymətləndirilməsi imtahanında (II mərhələ) iştirak etmək üçün 2 avqust saat 23:59-dək tələb olunan məbləği “Şəxsi kabinet”lərinin hesabına əlavə edib qeydiyyatdan keçməlidirlər.
Qeydiyyatdan keçməyən namizədlər ixtisas fənləri üzrə biliklərin qiymətləndirilməsi imtahanına buraxılmayacaqlar.
Baza fənləri üzrə biliklərin qiymətləndirilməsi imtahanından “məqbul” alan (40 və daha çox bal toplayan) tələbələr ixtisas fənləri üzrə biliklərin qiymətləndirilməsi imtahanına yalnız rezidenturaya qəbul olunmaq hüququ əldə etdikdən, yəni əsas (baza ali) tibb təhsilini tam bitirdikdən sonra buraxılacaqlar.
İxtisas fənləri üzrə biliklərin qiymətləndirilməsi imtahanının avqustun 13-də Bakı və Naxçıvan şəhərlərində keçirilməsi nəzərdə tutulur.
Oxşar Xəbərlər:
![II və III ixtisas qrupları üzrə qəbul imtahanlarının nəticələri elan edilib](https://cdn.liderxeber.az/posts/2023-06/thumbs/1686061003_fb42add2-1ec6-3850-b3c3-33310fdf9ec0_850.webp)
![Xaricdə təhsil alanların diplomlarının tanınması ilə bağlı yeniliklər açıqlanıb](https://cdn.liderxeber.az/posts/2023-02/thumbs/63e1e83a7bcf863e1e83a7bcf9167574943463e1e83a7bcf663e1e83a7bcf7.webp)