Prezident: Serbiya ilə əlaqələrimiz bizim üçün xüsusi əhəmiyyət daşıyır

Dost ölkə və etibarlı tərəfdaşımız olan Serbiya ilə əlaqələrimiz bizim üçün xüsusi əhəmiyyət daşıyır.

LiderXəbər xəbər verir ki, bu barədə Prezident İlham Əliyevin Serbiya Respublikasının Prezidenti Aleksandar Vuçiçə məktubunda bildirilib.

Qeyd edilib ki, qarşılıqlı etimad və dəstəyə əsaslanan dövlətlərarası münasibətlərimizin hazırkı səviyyəsi və müxtəlif sahələrdə gündən-günə genişlənən səmərəli əməkdaşlığımız bizi olduqca sevindirir: “Aramızdakı fəal siyasi dialoq birgə fəaliyyətimizin inkişafında mühüm rol oynayır. Azərbaycan ilə Serbiya arasında ənənəvi dostluq əlaqələrinin qorunub saxlanmasında və bugünkü səviyyəyə yüksəlməsində Sizin böyük əməyiniz və xidmətləriniz vardır”.