Mirhəsən Seyidov rayon sakinlərinin problemlərini dinləyib

Neftçala Rayon İcra Hakimiyyəti başçısı Neftçala şəhərinin sakinləri ilə növbəti səyyar qəbulunu həyata keçirib. ⠀

Vətəndaş qəbulunda Neftçala Rayon İcra Hakimiyyətinin başçısı Mirhəsən Seyidov, RİH-in məsul şəxsləri, hüquq- mühafizə orqanlarının, idarə, müəssisə, təşkilatların rəhbərləri və şəhər sakinləri iştirak edib.
 
İlk öncə Ulu Öndər Heydər Əliyevin, Azərbaycan Respublikasının ərazi bütövlüyünün, müstəqilliyinin, konstitusiya quruluşunun müdafiəsi zamanı şəhid olan hərbi qulluqçuların, qardaş Türkiyə Cümhuriyyətində 6 fevral 2023-cü ildə baş verən zəlzələ qurbanlarının ruhu bir dəqiqəlik sükutla yad olunub.
 
Neftçala şəhər İnzibati Ərazi Dairəsi üzrə Nümayəndəsi çıxış edərək Neftçala şəhəri haqqında görüş iştirakçılarına və qonaqlara geniş məlumat verib.
 
Çıxış edənlər “Türkiyə- Azərbaycan dostluq- qardaşlıq münasibətləri əbədi və sarsılmazdır” mövzusunda görüş iştirakçılarını məlumatlandırıblar və Azərbaycanla Türkiyə dövlətləri arasında dostluq və qardaşlıq əlaqələri qədim tarixə malik olmasından, əsrlər boyu Azərbaycan və türk xalqları həmişə bir-birinə dəstək olmasından,  Ulu Öndər Heydər Əliyevin müdrikcəsinə dediyi kimi, "bir millət, iki dövlət" olmasını, Türkiyə Azərbaycan arasındakı dostluq-qardaşlıq münasibətlərinin əbədi və sarsılmaz olması haqqında danışıblar.
 
Görüşdə çıxış edən Neftçala RİH-in başçısı Mirhəsən Seyidov  44 Günlük Vətən müharibəsindən, müharibədə iştirak edən vətən oğullarının igidliyindən, döyüş yolundan və sentyabr ayının 12-dən 13-nə keçən gecə düşmənin təxribatı zamanı hərbiçilərimizin qəhrəmancasına döyüşməsindən, döyüşlər zamanı ordumuz üçün əhəmiyyətli yüksəkliklərin əldə olunmasından, düşmənin təxribatının qarşısını alarkən qəhrəmancasına şəhidlik zirvəsinə ucalan şəhidlərimizdən və yaralan hərbiçilərimiz haqqında məlumat verib. Şəhidlərimizin ailəsinə və yaxınlarına dərin hüznlə başsağlığı verib, yaralı hərbiçilərimizin tezliklə sağlamlıqlarına qovuşmalarını arzu edib. RİH-in başçısı qardaş Türkiyə Cümhuriyyətində baş verən zəlzələdən, zəlzələ zamanı əziyyət çəkən Türkiyəli bacı- qardaşlarımız üçün xalqımızın dəstəyinin, bu dəstəyin tarixinin daha qədim əsrlərdən dostluq- qardaşlıq münasibətlərinin olmasından danışıb. Azərbaycan və Türkiyə arasında dostluq- qardaşlıq münasibətlərinin Ümummilli Lider Heydər Əliyev tərəfindən hər zaman xüsusi önəm verildiyini və bu ənənənin Prezident cənab İlham Əliyev tərəfindən uğurla davam etdirilməsini, Türkiyədə baş verən dəhşətli zəlzələnin ilk saatlarından Prezident cənab İlham Əliyevin tapşırığı və Birinci vitse- prezident Mehriban xanım Əliyevanın rəhbəri olduğu Heydər Əliyev Fondunun təşkilatçılığı ilə humanitar yardımların göndərilməsini vurğulayıb. RİH-in başçısı Müzəffər Ali Baş Komandan İlham Əliyevin siyasi iradəsinin, əsgər və zabitlərimizin, xalqımızın birliyi nəticəsində torpaqlarımız 44 günlük Vətən müharibəsi ilə işğaldan azad olunub, işğaldan azad olunan ərazilərimizdə və Neftçala rayonunda görülən yenidənqurma işləri haqqında görüş iştirakçılarını məlumatlandırıb.
 
Səyyar qəbulda ilk öncə vətəndaşlar küçələrə asfalt örtüyün döşənməsi və yeni elektrik işıqlarının quraşdırılması ilə əlaqədar təşəkkürlərini bildiriblər, kimyaçılar şəhərciyindəki çoxmənzilli binaların dam örtüyünün yenilənməsi, ixtisasına uyğun işlə yerinin dəyişdirilməsi və digər məsələlər ilə əlaqədar təkliflər səsləndiriblər. Vətəndaşların səsləndirdikləri ümumi problemlər ayrı-ayrılıqda dinlənilib və məsələlər müzakirə olunub, digər problemlərin həllinin araşdırılması üçün qəbuldan sonra müvafiq şöbələrə və şəxslərə tapşırıqlar verilib.
 
Vətəndaşlar göstərilən yüksək diqqət və qayğıya, rayon ərazisində aparılan abadlıq- quruculuq işlərinə görə Azərbaycan Respublikasının Prezidenti İlham Əliyev və Birinci vitse-prezident Mehriban xanım Əliyevaya minnətdarlıqlarını ifadə ediblər.
 
Məlumat üçün bildirək ki, vətəndaş məmnunluğunu artırmaq və xidmət keyfiyyətinin yaxşılaşdırılmasının təmin olunması məqsədilə vətəndaşlar Neftçala Rayon İcra Hakimiyyəti ilə həm onlayn, həm də yerində görüşlər üçün yeni yaradılan “Rəqəmsal İcra Hakimiyyəti” https://rih.gov.az portalına daxil olmaqla müraciət imkanı əldə edə bilərlər.