Bakının bu ünvanlarında evlərin söküntüsünə başlanıldı - Video

Paytaxt ərazisində yeni istirahət zonası salınacaq.

Artıq bununla bağlı işlərə start verilib. Ərazidə qəzalı vəziyyətdə olan bir neçə ev sökülüb.

Xətai Rayon İcra Hakimiyyətinin İctimai-siyasi və humanitar məsələlər şöbəsinin müdiri Pənah İmanov "Xəzər Xəbər"ə bildirib ki, abadlıq-quruculuq işləri çərçivəsində Xətai rayonunda da müxtəlif tədbirlər görülür.

Onun sözlərinə görə, sözügedən ərazidəki tiklilər paytaxtın estetik görkəminə xələl gətirirdi.