Kişilərdə impotensiya riskini azaldan sadə hərəkət açıqlandı

Sürətli yerimə kişilərdə impotensiya riskini azaldır.

Liderxeber.az-ın verdiyi məlumata görə, bu barədə Vençjou Ənənəvi Çin və Qərb Tibb Xəstəxanasının (Çin) alimlərinin apardıqları tədqiqatdan sonra məlum olub. Araşdırmanın nəticələri "The Journal of Sexual Medicine" jurnalında dərc olunub.

İlk mərhələdə elm adamları könüllülərin yerimə sürəti və fiziki sağlamlıqları haqqında məlumat toplayıblar. Əldə edilən məlumatlar "Mendel randomizasiyası" üsulu ilə təhlil edilib.

Tədqiqatçılar yüksək sürətlə yeriməyin damarların sağlamlığını yaxşılaşdırdığını və sağlam çəki saxlamağa kömək etdiyini bildiriblər. Bu amillər kişilərin sağlamlığına qoruyucu təsir göstərir - onlarda erektil funksiyanı yaxşılaşdırır və testosteron (kişi cinsi hormonu) çatışmazlığına səbəb olan şəkərli diabetin inkişaf riskini azaldır.