Müller “Bayern”lə bağlı qərarını verdi

“Bayern”in hücumçusu Tomas Müller cari mövsüm başa çatdıqdan sonra komandadan ayrılacağını açıqlayıb.

Liderxeber.az xəbər verir ki, 35 yaşlı futbolçu sosial şəbəkələr vasitəsilə Münhen komandasında çıxışını davam etdirmək istədiyini, lakin klubun müqaviləni yeniləməmək qərarına hörmətlə yanaşdığını yazıb.

Bütün karyerasını “Bayern”də keçirən hücumçu Bundesliqa təmsilçisinin heyətində 12 dəfə Almaniya çempionu, iki dəfə Çempionlar Liqasının qalibi adını qazanıb. Bu mövsüm isə o, 36 oyun keçirib, 5 qola və eyni sayda məhsuldar ötürməyə imza atıb.