“Qarabağ” ilk transferini etdi - Klubu təsdiqlədi

Kiprin “Omoniya” klubunun futbolçusu Jali Muaddibin “Qarabağ”a keçidi təsdiqlənib. 

Liderxeber.az xəbər verir ki, bu barədə klubun baş meneceri Giorqos İrakleus açıqlama verib.

İrakleus 25 yaşlı fransalı vingerin Azərbaycan təmsilçisi ilə müqavilə razılaşdığını deyib:  “Qarabağ”la futbolçumuz arasında razılaşma olub. Ancaq deməliyəm ki, futbolçu aylar əvvəl bizə “Qarabağ”ın ona maraq göstərdiyini bildirmişdi. Hətta vurğulamışdı ki, komandanın liqada qalması uğrunda sona qədər mübarizə aparacaq”. 

Qeyd edək ki, Jali Muaddibin “Omoniya” ilə sözləşməsi mövsümün sonuna qədər olduğundan, oyunçu yayda “Qarabağ”a azad agent kimi keçəcək.