Azərbaycan millisi FİFA reytinqində irəliləyib

FİFA milli komandaların aprel ayı üçün yenilənmiş reytinq cədvəlini açıqlayıb.

LiderXəbər xəbər verir ki, Azərbaycan milli komandası əvvəlki kimi 1177,83 xala malikdir.

Amma yığma bir pillə irəliləyərək 112-ci yerdə qərarlaşıb. Fevral yeniləməsindən sonra milli FİFA mini-turnirlər seriyası çərçivəsində Monqolustan (1:0) və Bolqarıstanla (1:1) qarşılaşmışdı.

Azərbaycanın ən yaxın təqibçisi Toqo (1170,34), bir pillə aşağıda isə Konqo (1179,8) yığmasıdır.

Millinin Millətlər Liqasının C1 qrupunda yer alan rəqibləri belə sıralanıb: İsveç – 27-ci (1531,68), Slovakiya – 48-ci (1461,55), Estoniya – 123-cü (1141,13).

FİFA reytinqinə Argentina (1858) millisi başçılıq edir.

Fransa (1840,59) ikinci, Belçika (1795,23) isə üçüncü pillədədir.