Azərbaycanda məntəqələr bələdiyyə seçkilərində səsvermə üçün açılıb

Azərbaycanda seçki məntəqələri bələdiyyə seçkilərində səsvermə üçün açılıb.

Liderxeber.az xəbər verir ki, səsvermə saat 19:00-a qədər davam edəcək.

Seçkilər ölkə ərazisindəki 118 seçki dairəsini əhatə edən 5 min 846 məntəqədə keçirilir. 685 bələdiyyənin 8 min 71 üzvü üçün 16 min 92 namizəd mübarizə aparır.

Mərkəzi Seçki Komissiyasının məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var.

Qeyd edək ki, seçki ilə əlaqədar ölkədə qeyri-iş günüdür.