Kardioloqlar "ürək üçün ideal" naharı açıqlayıb

Ürəyimizin və damarlarımızın əsas düşmənləri yüksək qan təzyiqi və aterosklerozdur. Xolesterin yığıntıları nəticəsində damar boşluğu əvvəlcə daralır, sonra isə tamamilə tıxanır. Qan təzyiqinin yüksəlməsini çoxları hiss etsə də, ateroskleroz "səssiz qatil" kimi tanınır.

Liderxeber.az xarici mediaya istinadən xəbər verir ki, çünki bu xəstəlik adətən ciddi simptomlar üzə çıxdıqdan sonra diaqnoz qoyulur. Xəstəliyin inkişafını yavaşlatmaq üçün bəzi tədbirlər, o cümlədən qidalanma tərzini dəyişdirmək tövsiyə olunur.

"Doktor" telekanalının mütəxəssisləri damarların sağlamlığı üçün zəruri olan doymamış yağ turşuları və E vitamini ilə zəngin "ideal" nahar təklifi hazırlayıblar.

Həkimlər qeyd ediblər ki, ateroskleroz həyati əhəmiyyət daşıyan qan damarlarında yağ yığıntılarının toplanması ilə xarakterizə olunur. Bu xəstəlik qan dövranını pozaraq infarkt və insult kimi fəsadlar yarada bilər.

Xəstəlikdən qorunmaq üçün məqsəd lipid mübadiləsini normallaşdırmaq və damarların yaşlanmasını yavaşlatmaqdır. Mütəxəssislər E vitamininin üstünlüklərini vurğulayırlar. Bu yağda həll olunan vitamin hüceyrə divarından və damar daxili lövhələrdən keçərək onların əriməsinə kömək edə bilər, həmçinin tromboz riskini azaltmağa təsir göstərə bilər.

-İdeal nahar nümunəsi:

-Sobada bişmiş qızıl balıq

-Qarnir kimi turş kələm

-Zeytun yağı

-alma sirkəsi, günəbaxan toxumu, parmezan pendiri və sarımsaqla hazırlanmış rukola salatı.